Milani do të luajë në çerekfinale të Ligës së Evropës ndaj Romës, në “San Siro”, pra një derbi italian në garat evropiane.
Në konferencën për shtypin përpara ndeshjes, Stefano Pioli u shpreh se skuadra e tij nuk është shumë larg nivelit të Real Madridit apo Man Cityt.
“Ne gjithmonë rrezikojmë për të sulmuar kur luajmë, por është e qartë që nuk do e kemi gjithmonë topin në zotërim. Nëse zgjedh të jesh një skuadër sulmuese, atëherë do të lejosh ndonjë hapësirë pas”.
“Unë mendoj dhe besoj se do të jetë një ndeshje spektakolare ndaj Romës. Në aspektin e mentalitetit dhe cilësive të lojtarëve. Ne mbërritëm deri në gjysmëfinale të Ligës së Kampionëve edicionin e kaluar”.
“Do të thotë që ishim aty, pra nuk mendoj se jemi shumë larg Real Madridi apo Man Cityt. Liga e Evropës është nën nivelin e Ligës së Kampionëve, por edhe këtu ka skuadra të mëdha”.
“Askush nuk do të befasohej nëse ne, Liverpooli dhe Bayer Leverkuseni do të ishim duke garuar në Champions…”.
“Milani im është në gjendje të luajë futboll modern, me ritëm, intensitet dhe veprime individuale të nivelit të lartë”, ka thënë Pioli. /Telegrafi/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite